• Саясат
  • Экономика
  • Коом
 
Категория: Саясат - Published: 18/11 - 11:04

Беларустун учурдагы башчысы Александр Лукашенко 2020-жылы жайында өткөрүү пландалып жаткан президенттик шайлоодо талапкерлигин кое турганын билдирди.

«Мен креслого жармашпайм. Эгер силердин буга каршы экениңерди сезсем, мен албетте, сарсанаа болом. Ошентсе да силер муну шайлоодо көрсөтүп, менин талапкерлигимди колдобой койсоңор болот», — деди ал.

Беларус лидери президенттик шайлоодон кийин өлкөнүн Конституциясын өзгөртүү ниети бар экенин кошумчалады.

Александр Лукашенко Беларусту 25 жылдан бери башкарып келет. 1994-жылы өлкөдө президенттик кызмат түзүлгөндөн кийин антикоррупциялык комиссиянын жетекчиси Лукашенко шайлоочулардын көбүнүн добушун алып, өлкөнүн туңгуч президенти болуп шайланган. Андан бери өлкө Конституциясы бир канча жолу өзгөртүлүп, Лукашенконун бийликте калуусуна мүмкүндүк түзүлүп келет. ЕККУ жана ЕБ өлкөлөрү Беларуста өткөн акыркы бир нече шайлоону легитимсиз деп аташкан. Дүйнөдө Лукашенконун өзүн «Европанын акыркы диктатору» деп атап келишет.

Талкуу


Защитный код
Жаңылоо

Биздин өнөктөштөр

 

 

 

 

Валюта курсу

IRR 0.02 0.00
EUR 79.37 -0.28
RUB 1.05 -0.14
KZT 0.18 -0.27
USD 69.78 -0.09
UZS 0.01 0.00
TMT 19.95 -0.02
TJS 7.40 -0.06

Аба ырайы

 

+4°C Тегеран
+1°C Москва
-3°C Алматы
-6°C Бишкек
-4°C Астана
+7°C Дүйшөмбү
+5°C Ашхабад
+2°C Ташкент